Category Archives: Witziges aus dem Ehealltag

Scharf wie eine Rasierklinge…




Da Reiter Erwin legt an großen Wert auf a gepflegtes Äußeres, deswegn nimmt a se fürs Rasiern oiwei bsonders vui Zeit. “Mausi”, schwärmt a, wia sei Frau grad ins Bad kimmt, “gscheid rasiert in da Fruah und i kimm ma zwanzg Jahr jünger vor!” “Aha”, moant sie, “dann kannst di ja vielleicht amoi auf d’Nacht rasiern!?!”

Haarige Sach…




A älters Ehepaar gähd übern Viktualienmarkt. Auf oamoi fangt as Wei laut zum schimpfa o: „Ja, spinn i? Schaug nur grad her, Sepp, da kosten d’Erdäpfe 80 Cent as Stück!“ D’ Standlfrau wui’s beruhigen: „Des san koane Kadoffen, sondern Kiwi.“ „Aha“, knurrt de Frau, „ so a haarigs Gmias hob i ja übahaupt no nia gsehgn!“ „Guade Frau, des is koa Gmias, sondern a Obst; des kummt aus Neuseeland und werd eigführt.“ „Siehgst”, sagt da Mo, “de wern eigführt – und du bläde Kuah hättst as gfressn!“

Ein für alle Mal…




Der Dangl Wigg steht vor Gericht. “Angeklagter, warum haben Sie Ihre Frau erschossen?” fragt der Richter streng. “Ja mei”, druckst der Wigg umständlich rum, “i hob’s inflagranti mit am andern Mo dahoam auf unser’m Kanabä dawischt!” “Und warum”, bohrt der Richter weiter, “haben Sie nicht den Liebhaber abgeknallt?” “Ja mei, Herr Rat”, begründet der Wigg seine Tat treuherzig, “liaba oamoi s’Wei ois wia jede zwoate Woch’ an andern Kerl!”

Vergesslich…




Drei Neinzgjahrige dreffa se jede Woch am Stammtisch. Meistens kimmt oana z‘spät. „I hob mi gschickt, aber meine Fiass lassn scho nach!“ erklärt a de andan. „Marschiern konn i no recht guad“, sagt da Zwoate, „aber i konn nimma gscheid schreim, weil i a so zittern dua. Meine Händ lassn hoid aa scho nach.“ Do sagt da Dritte: „Wiar i letzte Nacht zu meiner Oidn nübersteign woit, sagt sie: du oida Depp, du warst doch erst vor a hoibn Stund bei mir! I glaub, mei Gedächtnis lasst scho nach!“

Falsche Richtung…




Da Schorsch hod se neie Stiefe kaaft und wui’s seina Traudl zoagn. Ganz stoiz steht a vor ihr und moant:“Na, wos sagsd?“. „Was soi i sogn?“ frogt sei Traudl und schaugt eahm ratlos o. Da Schorsch geht naus, ziagt se nackad aus und kimmt, bloß mit de Stiefe o wieda eini:“Na, wos sogsd jetzt?“ frogd a ganz erwartungsvoi. Sei Traudl schüttelt ratlos den Kopf: “I woas ned, wos Du wuisd. Du schaugsd aus wia imma“, und nach am prüfenden Blick vo obn bis untn moand’s dann no: “und der hängd aa, wia imma!“ Da werd da Schorsch saua und plerrt: “Red ned so an Schmarrn, der hängd net, der bewundert meine neian Stiefe!!!“ Drauf moant sei Traudl ganz ung’rührt: “Na waars gscheida gwen, wenns’d an neia Huat kaaft hädst!“ (Unbearbeitete Originalfassung)

Treffsicher…




“Wos schaugst denn gor so dasig drei?”, fragt d’Zenzi ihr Freindin Wally. “Mei Mo is gstorm”, schluchzt d’Wally. “Ja, wia des? Gestern war a doch no pumperlgsund. Wos hod eam denn gfeid?”, wui d’Zenzi wissen. “A Stanzn war auf seim Hirn ghockt, wia ma im Garten warn.” “Wegn ana Stanzn aufm Hirn is no koa Mensch gstorm!”, moant d’Zenzi ungläubig. “Des ned”, druckst d’Wally rum, “aba i hob’s mi’m Spaten daschlogn!”