A Mo kummt ganz aufgregt aufs Polizeipräsidium und zoagt dem Beamten a Buidl vo seina Frau: “Herr Wachtmoasta, i mecht a Vermisstenmeldung aufgebn, mei Frau is seit zwoa Dog nimma hoamkemma. Bitte, bitte, suacha S’es!” Da Polizist schaugt se des Buidl lang o und frogt: “Warum?”
“Di hab i ja scho ewig nimma gsehgn. Wo bist‘n oiwei?” sagt da Lugge zum Kare. “I geh auf d‘ Volkshochschui in an Kurs für italienische Kunst.“ “Aha! Und, wos lernt ma in so am Kurs?” fragt da Lugge neigierig. “Oiso, i kenn jetz an Michelangelo Buonarroti, an Leonardo da Vinci, an Benvenuto Cellini und an…” “Kennst nachad an Luigi Beppone aa?” unterbricht‘n da Lugge. “Naa, wer is‘n des?” “Des is da Pizzabote, der wo dei Oide schnackslt, wennst du in da Volkshochschui bist!”
Auf der Terrasse eines Alpengasthofes sitzt ein Ehepaar aus Berlin und bewundert das herrliche Panorama, das sich vor ihnen ausbreitet. „Sie, Frollein, könn‘ se ma saj’n, wie der Beag da vorne heißt?“ fragt der Herr die Bedienung. „Wäichana?“ fragt diese mürrisch zurück. „Oh, vielen Dank!“